Umhverfi

Árborg er eitt af þeim sveitarfélögum í nágrenni höfuðborgarsvæðisins sem hafa verið í örum vexti undanfarin misseri. Staðsetning Selfoss er frábær því bærinn býður upp á rólegt bæjarumhverfi en er samt nágrenni höfuðborgarsvæðisins.

Í bænum eru fjölda verslana og veitingastaða og á nýr og glæsilegur miðbær sinn hluta af því en hann er staðsettur rétt við fjölbýlishúsið.

Sterkt íþrótta- og félagslíf er í bænum þar sem úrval íþrótta er í boði fyrir alla aldurshópa. Selfoss hefur alltaf verið mikill íþróttabær og má nefna að þeir hafa orðið Íslandsmeistarar í handknattleik í karlaflokki og konurnar bikarmeistarar í knattspyrnu.

Í hjarta Suðurlands

Á Selfossi er einkar fjölskylduvænt og öruggt samfélag með góðum skólamöguleikum. Sem atvinnusvæði hefur Árborg sótt í sig veðrið þar sem ferðamannaiðnaður hefur blómstað ásamt uppbyggingu í iðnaði, þjónustu og landbúnaði.

Allt í kring er falleg náttúra og stutt er á Þingvöll, Gullfoss og Geysi. Þá er einstakt að taka bíltúr niður í sjarmerandi bæina við sjávarsíðuna, Eyrarbakka og Sotkkseyri með sínum fallega litum húsum og einstakri sjávarsýn.

Ekki má gleyma Hveragerði sem er bara spottakorn frá með sínum sjarmerandi kaffihúsum og veitingastöðum.

Árborg, bæjarfélag í sókn

Selfoss dregur nafn sitt af flúðum fyrir neðan Selfosskirkju en selagegnd var gjarnan í ánni fyrr á tímum. Árið 1998 smeinuðust Selfoss, Sandvíkurhreppur, Eyrabakki og Stokkseyri undir merki sveitafélagsins Árborgar.

Undanfarin ár hefur bæjarfélagið blásið til sóknar og hefur mikil uppbygging átt sér stað á svæðinu. Búist er við að íbúum Árborgar fjölgi töluvert á næstu árum með tilheyrandi uppbyggingu innviða, þjónustu og atvinnlífs.